Серијата „Татковина“ ја освои телевизиската награда „Еми“ за најдобра серија во категоријата драма. Во психолошкиот трилер, кој се емитува на телевизијата Шоутајм учествуваат Клер Дејнс и Дејмон Луис и ова е прва награда за серијалот, која ја доби по првата сезона.
Во Лос Анџелес беа прогласени и останатите добитници на „Еми“. „Модерно семејство“ на Еј-Би-Си беше прогласена за најдобра серија во категоријата комедии. Со „Еми“ беа овенчани и актерите во серијата Ерик Стоунстрит и Џули Боуен за споредни улоги, како и режисерот Стив Левитан.
Во неколку категории беше награден серискиот филм „Промена на играта“ н а Ејч-Би-О, за вклучувањето на Сара Пејлин во натпреварот за вицепретседател во 2008 година. Тој ги доби наградите за минисерија, за сценарио, режија и актерска игра за Џулијан Мур.
Режисерот и продуцентот Луис Си Кеј ја зеде наградата за сценариото за серијалот „Луи“. Џон Крајер од „Два и пол мажи“ доби „Еми“ за најдобар комедиски актер, а Џулија Луис Драјфус за најдобра актерка за „Вице“.
Том Бергерн од „Танц со ѕвездите“ на Еј-Би-Си ја освои наградата за најдобар водител.
Наградите „Еми“ се доделуваат во 400 категории.