Јужнокорејскиот производител на мобилни телефони „Самсунг“ пред Саемот во Барселона претстави два нови Галакси телефони. Станува збор за моделите „Young“ и „Fame“, кои според карактеристиките се во долниот дел од понудата.
Двата уреди се со Андроид оперативен систем, но според изгледот се блиску до поголемиот Галакси С3.
Моделот „Fame“ доаѓа со процесор од 1 Гигахерци, Андроид 4.1 и 3,5 инчен ХВГА екран. Тој е опремен со 5 мегапикселна камера со блиц и предна ВГА камера, како и 512 МБ работна меморија и 4 ГБ вградена меморија што може дасе зголеми со микроСД картичка.
Помалиот модел „Young“ има екран од 3,27 инчи и Андроид 4,1 оперативен систем, но послаба камера со 3 мегапиксели. Тој има 4 ГБ вградена меморија и РАМ меморија од 768 МБ.
Датумот кога ове два модели на Самсунг треба да се најдат на пазарот не е познат, ниту пак нивната цена.