Идната членка на британското кралско семејство, Меган Маркл имала блог за „борбата за опстанок“ во Холивуд. На него, освен за својата склоност кон евтино вино и сирење, таа пишува и за „магичните гради“ и за многу секс.
Блогот се појавил на почетокот на 2010 година, под наслов „Вредната глумица“ и брзо станал многу популарен меѓу актерите почетници.
Претставувајќи се како глумица која работи и користејќи ја силуетата на празно режисерско столче како свое лого, Меган настапува анонимно, и никому не му паѓало на ум дека тоа е таа.
Идната сопруга на британскиот принц Хари опишувала ситуации во кои една глумица морала да прифати работи од кои се згрозува, гладувала, а утеха барала во чоколадата, сендвичи и евтино вино. Во овие текстови, таа, имплицитно, како да говори за себе.
Во нив се говори и за надмени и себични агенти, а ја отвора и темата околу бракот со продуцентот Тревор Енгелсон. За него пишува дека „иако и недостасувал, времето без него било како одмор”.
– Кога е добро, тогаш е е*ено добро. Останатите 300 денови е потешко од тоа што можете да замислите, се вели во една објава посветена на „непознатиот“ сопруг.
На веќе избришаниот блог, кој бил активен до 2012 година, авторката говори и за недобивањето улоги кои многу ги сака…
– Нема да ве лажам, многу денови минав стуткана в кревет, со парче леб и малку вино. Жално и комично, вели таа во објавите.
Актерот Ленс Картер за „Дејли Меил” ги потврдува наводите дека Меган е таа која стои зад блогот.