Продажбата на смартфони оваа година првпат ќе ја надмине продажбата на класични мобилни телефони и тоа се должи на „апетитот“ на економиите со брз развој на тој пазар.
Според американската истражувачка компанија Инртернешнл Дата Корпорејшн (Ај-Ди-Си), смартфоните ќе имаат удел од 52,2 отсто на пазарот во светот и ќе достигнат бројка од 958,8 милиони продадени апарати. Тоа според компанијата значи пораст од 32,7 проценти.
Продажбата на смартфоните е поголема од таа на класичните мобилни телефони уште од почетокот на годината, додава компанијата.
– 2013 година ќе биде повратна за смартфоните, очекуваме јазот меѓу нив и обичните мобилни телефони да се зголеми, изјави експерт на Ај-Ди-Си.
Побарувачката на смартфони, поврзани со Интернет се зголемува во земјите со забрзан развој, каде тие се поевтино средство за пристап до некои од функциите на компјутерот.
Оваа тенденција е мошне позитивна за производителите, како кинеските ЗТЕ и Хуавеи, кои нудат пониски цени од тие на гигантските Самсунг и Епл.