Сопственикот на продавницата „Хитлер“, Манис Чандан изјави денеска дека компанијата ќе го промени своето име по протестите на еврејската заедница и Владата на Индија.
Во продавницата се продава облека од запад, а ја отвори во текот на минатиот месец во Ахмедабад, Гуџарат (западниот дел на Индија). Над вратата со големи бели букви стои нејзиното име „Хитлер“ со свастиката како точка на буквата „и“.
Припадниците на помалите еврејски заедници во Ахмедабад го осудија името на продавницата, додека еден високорангиран израелски официјален претставник го презентираше проблемот и пред владата.
„Наскоро ќе го променитме нашето име. Владата и Еврејската заедница ни вршат огромен притисок да се откажеме од него“, изјави Чандан.
Тој истакна дека не ја очекувал оваа реакција, уште помалку меѓународно внимание и протести. Немал намера да го слави нацистичкиот лидер, туку својот дедо, кој го носел тој прекар и бил многу строг човек.