Моторола претстави три нови модели на телефони Droid Razr M, Droid Razr HD и Droid Razr Maxx HD.
Ова е прво претставување на новите апарати откако Google ја купи Motorola.
Во продажба најпрво ќе се најде најмалиот и најевтиниот од нив, Motorola Droid Razr M, кој ќе чини 99 долари.
Се работи за апарат со 4,3-инчен Super AMOLED Advanced екран, двојадрен Snapdragon процесор на 1,5GHz, камера со резолуција од 8 мегапиксели, предна VGA камера и 1 GB RAM.
Droid Razr HD и Droid Razr Maxx HD ќе се најдат во продажба подоцна оваа година. Тие исто така имаат Snapdragon S4 процесор и 1GB RAM меморија. И двата телефони имаат 4,3-инчен Super AMOLED HD екран, предна камера од 1,3 мегапиксели и задна со резолуција од 8 мегапиксели. Razr HD има 2,530mAh батерија, а Razr Maxx HD 3,300mAh.