Директниот телевизиски пренос на церемонијата за доделување на Оскарите го гледале 40,3 милиони луѓе, еден милион повеќе отколку минатата година, соопшти компанијата Нилсен.
Според Нилсен тоа е најголемиот број на гледачи кои досега го прателе доделувањето на наградите на Американската академија за филм во последните три години.
Телевизиската мрежа „Еј би си“ наведе дека оваа година е забележан пораст од 11 проценти гледачи помеѓу 18 и 49 години, во однос на 2012 години.
Минатогодишната церемонија кога филмот „Уметник“ беше прогласен за најдобар, ја гледаа 39,3 милиони луѓе.
Повеќе од 40 милиони гледачи на Оскар во последните десет години, се забележани само четири пати.
Елена Георгиевска