Супермоделот Наоми Кембел (53) неодамна во документарниот филм „The Super Models“ призна дека во деведесеттите била на работ на смртта поради зависност од дрога.
Наоми се сврте кон кокаинот за да ја заборави траумата од детството и да се избори со смртта на нејзиниот пријател, дизајнерот Џани Версаче. Таа призна дека растењето без татко е голем поттик за злоупотреба на супстанции. Нејзиниот татко ја оставил мајка и додека таа била бремена, а Наоми никогаш не го запознала.
“Една од работите што се обидов да ја сокријам беше тагата. Зависноста е таква. Тоа е опасна работа, навистина е. Мислите дека ќе ја залечи раната, но нема. Тоа може да предизвика многу страв и вознемиреност “, изјави манекенката.
Кембел пет години се бореше со зависноста, а пресвртот дојде во 1999 година кога колабира за време на снимањето. Тогаш сфатила дека мора да оди на рехабилитација.
“Тоа беше една од најдобрите работи што можев да ги направам за себе во тоа време. Беше страшно да се погледнам во огледало. Не можете да ги скриете чувствата. Се убив. Беше многу болно”.
Манекенката го роди своето второ дете во јуни. Среќната вест ја откри на социјалните мрежи велејќи дека „никогаш не е доцна да се стане мајка“. Наоми има уште едно дете кое го роди во мај 2021 година. Сака да го чува приватниот живот само за себе, а деталите за таткото на детето не се познати.