Познатиот српски и југословенски рок музичар Драгољуб Ѓуричиќ е на интензивна нега во болницата „Драгиша Мишовиќ“ Белград, откако бил дијагностициран со Ковид-19, јавуваат медиумите.
Прочуениот тапанар, кој свиреше во групите „Кербер“, „Ју група“, а настапуваше и со Ѓорѓе Балашевиќ, Здравко Чолиќ и многу други познати изведувачи, целата мината седмица се чувствувал лошо и имал симптоми на респираторна инфекција, пред да добие позитивен тест на коронавирусот.
Засега не се објавени повеќе детали за состојбата на 68-годишниот музичар, кој во првата половина на 80-те години на минатиот век беше и тапанар на најпознатиот македонски состав „Леб и сол“.