Француската политичарка Жулиет де Козан, кандидатка на претстојните избори за Сенатот на Република Франција, наиде на критики бидејќи ја фотошопираше својата фотографија која ја стави на промотивните плакати.
Жилиет де Козан не сакаше да ја открие својата возраст, но се верува дека има меѓу 40 и 50 години. Сепак, постерот кој го искористи за да се промовира во март оваа година, наведе многумина да помислат дека има околу 25 години. На тој постер нејзината кожа е видно посветла, забите порамни, а косата погуста отколку на немонтираните фотографии што ги објавува на Инстаграм.
Franchement @Garancenter, vous n’avez pas autre chose à faire que des attaques sexistes. Vous voyez bien que sur l’une @StaLobna est maquillée et sans lunettes, en teeshirt et sur l’autre elle est apprêtée ? C’est comme cela que vous faites campagne pour @JulienBargeton ? 👇
— 🇪🇺 Juliette de Causans (@JulietteCausans) September 16, 2023
Политичарката од малата центристичка партија Европа, еднаквост и екологија призна дека користела дигитални алатки за да го промени својот изглед. Таа рече дека го направила тоа за потенцијално да добие поголема поддршка за целите на нејзината партија.
Политичарката призна дека минатата година за време на кампањата пред парламентарните избори на своите промотивни плакати ставила фотографија со потемна боја на кожа.