Музичарот, Сер Пол Макартни, го доби можеби најголемото француско одликување од областа на културата. На 8-ми септември на церемонија ќе биде прогласен за офицер на Легијата на честа.
Ова големо признание веќе го имаат добиено и Лени Кравиц, Клинт Иствуд, Лајза Минели, Арнолд Шварценегер, Ширли Меклејн.
Наградата се доделува без обзир на потеклото, верската припадност или местото на раѓање. Основана е од Наполеон 1802 година за луѓето кои имаат придонес во француската култура и општество. Наградата со себе донесува социјален статус, но не и пари. Секој добитник на ова признание сам го купува медалот од лиценцираниот јувелир. Цената на мадалот се движи од 169 до 700 евра, во зависност од рангот на одликувањето, Витез, Офицер или Командант.
Инаку сеуште не е познато дали Сер Пол Макартни лично ќе присуствува на церемонијата на доделување на наградите.
