Пронаоѓачот на компјутерското глувче, еден од создавачите на Интернетот, на различни верзии на електронски пошти и на пограми за обработка на текстови, Даглас Енглбарт почина на 88 годишна возраст во Калифорнија. Инженерот поинер во информатиката е роден на 30 јануари во 1925 година во Орегон.
Откако во ’50-те години од минатиот век завршува електроинженерство и информатика, тој се сели во Калифорнија и работи како истражувач во Стендфордовиот научен институт.
Светот му е должен и поради појавата на графичкиот интерфејс, на програмата за средување на текстови и за видео и телеконференциските врски.
Енглбарт е сопственик на над 20 патенти за различни изуми. За негово најголемо откритие се смета компјутерското глувче, чиј прототип го претстави во декември 1968 година, а го патентираше во 1970 година.
Глувчето се претвори во масовен трговски производ дури во 1984 година, кога Епл го пушти на пазарот со новиот компјутер Мекинтош.