На 95-годишна возраст почина британскиот актер од чешко потекло, Херберт Лом, јави дописникот на МИА пренесувајќи ја веста од чешките медиуми.
Лом е најпознат по улогата на инспектор Дрејфус, кој полудуваше од идеите на инспектор Клузо во филмот „Пинк Пантер“.
Меѓу неговите филсмски остварувања се паметат улогите во филмовите ,,Дракула” во 1970 година како и ,,Богатството на сребреното езеро”.
Актерот беше роден во 1917 година во богато семејство кое потекнува од Прага, кој пред Втората светска војна пребегал во Англија. Во 2006 година беше гостин на доделувањето на националната филмска награда „Чешки лав“.