Холандската актерка Силвија Кристел, која се прослави со улогата во еротскиот хит од 1974-та година „Емануела“, по тешката борба со ракот, почина во 60-тата година од животот.
Во септември 2006-тата година Кристел ја објави автобиографијата „Nue (Nude)” која е публикувана во Франција. Набрзо е преведена и на англиски јазик под насловот „Undressing Emmanuelle: A Memoir”. Во книгата е опишан турбулентниот живот на актерката, проблемите со дрогата и алкохолот, бројните врски со постари мажи.
Силвија Кристел зад себе го остави синот од бракот со белгискиот писател Хуго Клаус.