Еден маж од Флорида сфати како функционира кармата, откако беше прегазен од сопствениот пик ап, во моментот кога удирал по предницата на друго возило.
Весникот „Гејнзвил сан“ пишува дека Џозеф Карл (48) многу пиел таа вечер, кога застанал на црвено светло.
Тој го напуштил возилото не повлекувајќи ја рачната сопирачка, а потоа почнал да удира по ветробранското стакло на автомобилот на една жена.
Кога преплашената жена успеа да замине со автомобилот, неговото возило наеднаш почна да се движи и го прегазило.
Во полицискиот извештај се наведува дека Карл претрпе повеќе скршеници на рацете и стопалата.
Тој ќе биде обвинет за возење во алкохолизирана состојба и нанесување штети на други учесници во сообраќајот, а за сега не е познато дали ангажирал адвокат.