Јужнокорејскиот филм „Pieta”, на режисерот Ким Ки-дука, е добитник на годинешната награда Златен лав за најдобар филм на Венецијанскиот филмски фестивал.
„Pieta” и претходно беше еден од фаворитите за главната награда, меѓу 18-те филмови коишто беа во официјалната конкуренција.
Наградата за најдобар актер ја поделија Филип Сејмор Хофман и Хоакин Феникс, за нивните улоги во филмот „The Master”.
За најдобра актерка е прогласена Хадас Јарон за ролјата во израелскиот филм „Да се исполни празнината”.
Францускиот сценарист Оливие Асеиас е награден за сценариото за политичката драма „Apres Mai”, а режисерот на филмот „E Stato il Filglio”, Италијанецот Даниеле Чипри е награден за најдобра фотографија.
Специјалната награда на жирито му припадна на Австријанецот Улрих Сејдл за филмот „Paradies: Glaub”.