Новиот вид пајак е наречен Big Boy и научниците во Австралија велат дека групата на „невообичаено големи“ пајаци е всушност нов вид сам по себе.
Истражувачите велат дека користеле метод на анатомска и ДНК споредба за проучување на различни популации на сиднејскиот пајак, еден од најсмртоносните во светот.
Откриле дека има три вида, од кои само два ѝ биле познати на науката, пишува Independent.
Студијата откри „скриена разновидност меѓу пајаците“, рече арахнологот Стефани Лорија од Институтот за анализа на промените во биолошката разновидност во Лајбниц во Германија.
Сиднејскиот пајак, Atrax robustus, се среќава од средината на брегот до басенот на Сиднеј, а јужниот Сиднејски пајак, Atrax montanus, често се среќава во планините јужно и западно од тој град.
Пајакот кој е наречен Биг Бој затоа што е најголемиот од трите видови пајаци, го населува градот Њукасл.
„Тоа е сосема нов вид. Пронајден е на северниот брег на Сиднеј и на средината на брегот, рече д-р Лорија.
“Atrax christenseni е импресивен пајак. Огромната големина на мажјаците, во споредба со мажјаците од другите видови Atrax, е едноставно зачудувачка”, рече Кристенсен, додавајќи дека му е чест што новиот вид пајаци го добил името по него.
Во студијата, објавена во списанието BMC Ecology and Evolution, научниците собраа нови примероци низ Сиднеј и ја испитуваа нивната ДНК. Тие потоа ги споредиле овие пајаци со музејски примероци кои датираат од раните 1900-ти.
Нивната нова класификација може да има практични импликации за производството на противотрови.
„Иако нивните каснувања се едни од најтешките, тие не се многу чести. Доколку ве касне пајак, повикајте брза помош и одете директно во болница“, вели токсикологот Геоф Исбистер од болницата „Голгота Матер“.
„Иако немало човечки смртни случаи од развојот на антиотровите во 1980-тите, антиотровите за овие пајаци би можеле да се оптимизираат со разгледување на биолошката диференцијација на ниво на видот“, рече Данило Хармс, вториот автор на студијата.