Американскиот режисер, Оливер Стоун ќе сними филм за поранешниот соработник на Националната безбедносна агенција НСА, Едвард Сноуден, кого го смета за херој, пренесе американската телевизија ABC.
Стоун ќе ја адаптира книгата на Лук Хардинг „Тајната приказна за најбараниот човек на светот“, која што е приказна за Сноуден, кој јавноста ја информираше за програмата за прислушкување и следење, кое НСА го спроведувала ширум светот.
-Тоа е најголемата приказна на нашето време. За мене Сноуден е херој, бидејќи откри тајни, кои сите ние треба да ги знаеме- рече Стоун.
Е. Г.