Британската телевизиска станица Канал 4 почнува со ново шоу каде двојките ќе имаат интимни односи во звучно изолирана „кутија“ во телевизиското студио со присуство на публика.
После сексуалниот чин, секоја двојка ќе има интервју. Во шоуто ќе учествуваат три двојки, два хетеросексуални и една хомосексуална.
Идејните творци на шоуто кое се вика „Sex Box“ тврдат дека програмата има за цел да се одвои сексот од порнографијата.
Водителска на шоуто е Мариела Фрострап, која изјави дека се надева дека шоуто ќе покаже, зрела, интелигентна дискусија за сексот во Велика Британија денес.
– Пристапив на ова со голема претпазливост и доза на скептицизам, особено затоа што ни е потребна кутија, но во последно време мислам дека тоа навистина е зрело, што е изненадувачки за телевизијата. Сексот кој го гледаме на екраните, во списанијата и на интернет, дава многу мал увид во вистинското искуство и вистинските луѓе, а ова ќе биде искрен разговор за есенцијалните елементи во животите на сите нас, рече Фрострап.
Првите двојка која ќе ја користи „секс кутија“ на 7 октомври се Рејчел и Дин, Мет и Џон и Линет и Дес. Шоуто трае еден час.
Двојките, чие време поминато во кутијата нема да биде снимено, ќе разговараат со секс експертот Трејси Кокс, експертот за врски Ден Севиџ и психотерапевтот, Филип Хадсон.
– SexBox е уникатен начин да се привлече вниманието на луѓето да признаат дека сексот е нормален дел од нашиот живот и нешто за што треба да зборуваме искрено и отворено, рече Кокс.
Шоуто е дел од програмата која се вика „Кампања за вистински секс“, а која почнува на 30 септември. Во рамките на кампањата ќе бидат прикажани и разни документарни филмови и едукативни емисии.
– Шоуто не е технички секс, туку дискусија за тоа што тој им значи на двојките. Постои масовна експлозија на порнографија, но нема раговор за вистинскиот секс во животите на луѓето денеа, рече шефот на програмата Ралф Ли за Mil Online.