Мајкрософт не се откажува од смартфони со Андроид оперативен систем и по преземањето на Нокиа во април годинава, го претстави вториот Андроид модел под името Нокиа Х2.
Нокиа Х2 има РАМ меморија од еден гигабајт, двојадрен процесор со брзина од 1,2 гигахерци и екран од 4,3 инчи.
Мајкрософт продолжува со претставување уреди базирани на Андроид, иако се уште инвестира во својот Виндоус Фоун оперативен систем.
Нокиа Х2 ќе се продава по цена од 99 евра, а се очекува на пазарот во јули годинава. Моделот ќе биде достапен во зелена, портокалова и црна боја.