Организаторот на „Skopje Design Week“ „Јавна соба“ со поддршка на ЕВН – Македонија го реализираше проектот за подигање на свеста кај најмладите генерации преку интервенција на фасадата на трансформатор на улицата „50 Дивизија“ во Скопје.
Како што стои во соопштението, „децата од нашата улица“ 30 дена работеа со дизајнер – ментор за да ја совладаат Енергетската математика – кампања на ЕВН, и да издвојат пораки, кои тие самите ги разбираат и сакаат да ги пренесат на останатите во најблиската околина.
Инсталацијата на “децата од нашето маало“, како што ги нарекуваат во „Јавна соба“, останува и по затворањето на фестивалот да ја подига свеста кај граѓаните за поразумно користење на електричната енергија, да ја краси околината и да пренесува пораки.