Со последното ажурирање на апликацијата Инстаграм се воведува можност за поставување на колекација до десет слики или видео записи во еден пост за споделување со вашите пријатели.
Новиот апдејт веќе е достапен за корисниците на Андроид и iOS оперативните системи.
Со можноста за објавување на цела колекција на фотографии како иста објава, сите фотографии се објавуваат под еден опис и локација, а имаат и заеднички лајкови и коментари. Сите фотографии мора да бидат во квадратен облик.
Кога оваа колекција ќе ја објавите на Инстаграм, вашите пријатели ќе може да видат низа од сини точки како знак дека објавата содржи повеќе од една фотографија. Тие ќе може да ги разгледуваат фотографиите, а само првата фотографија ќе стои на вашиот профил.