На 24. и 25. мај, на локацијата на водениот „Аква Парк“ во Пробиштип ќе се одржи првото издание на музичкиот фестивал АКВА ПАРК ФЕСТ, како отворено издание на јубилејното петнаесетто издание на Таксират Фестивал.
Со АКВА ПАРК ФЕСТ воедно ќе биде означен и почетокот на новата сезона на првиот и единствен воден парк во Македонија.
Во музичкиот дел од програма ќе настапат Paul Van Dyk, Кирил Џајковски, Mark Knight, SunneryJames&Ryan Marciano, Суперхикс, Фолтин, Bernays Propaganda, S.A.R.S., Smut, Foolish Green, Conquering Lion, Сашко Костов&TWW, Iceberg&Lephonq, Flooder, Rootboy, Цобе&Стефано, New Sound Band, Ghetto Rudi, Branchez, No End, Прв Ред, Skullcrush, Skyrise и Anna O.
Билетите во претпродажба можат да се купат во продажните салони на One низ Македонија, продажните салони на Office Plus и продажната мрежа на МКтикетс.
Во соработка со „Македонија Сообраќај“ од организацијата најавија и организиран автобуски превоз за АКВА ПАРК ФEСT.