Музеј на шверцот во Словенија

Од:

Во месноста Пристава, недалеку од Нова Горица, Словенија, в сабота треба да биде отворен музеј на криумчарењето, кој посетителите ќе ги врати во времето на поранешна Социјалистичка Федеративна Република Југославија, кога луѓето на разни начини вршеа неконтролиран увоз и извоз на стока од државата.

Тогаш, како што јави Танјуг, главна цел на незаконскиот извоз во ова подрачје, била Италија, а најмногу се шверцувале јајца, месо, путер и пијалаци. Словенија пак, главно увезувала италијанско кафе, бибер, ориз и детергент за алишта.

Со цел – избегнување на потребната посебна дозвола, криумарите ги сокривале производите во облеката, во автомобилите, односно секаде каде што сметале дека цариникот нема да провери. Токму за тие методи ќе може да се поднаучи во музејот. Една од специфичностите е „собата за бегство”.

Музејот на шверцот е последниот дел од проектот кој има за цел да ги покаже различните аспекти на животот на словенечко-италијанската граница. Освен овој објект, веќе се отворени и Музеј на железнички станици, музејот Мирен на гробиштата во Мирен и оној на воени контролни пунктови. А, сите четири музеи ги поврзува велосипедска патека и железничка пруга.

Би можело да ве интересира

Брамерц: Треба да се обработат уште неколку илјади случаи на воени злосторства во поранешна Југославија

Ана Ололовска

Земјите од поранешна Југославија ја продаваат Амбасадата во Бон за 3,75 милиони евра

Ана Ололовска

Триесет и девет години од смртта на Јосип Броз Тито

Ана Ололовска

Во Дубровник отворен Музеј на црвената историја

Ана Ололовска

Продадена резиденцијата и амбасадата на некогашна СФРЈ во Токио

Ана Ололовска

Почина легендарниот фудбалер Драгослав Шекуларац

Ана Ололовска