Во Нов Зеланд се продава мало напуштено гратче на Јужниот Остров, на околу 180 километри северно од Данидин. Гратчето се продава за 2,8 милиони американски долари.
Лејк Ваитаки бил изграден во 1930-тите како живеалиште за луѓето кои работеле на еден градежен проект и за нивните семејства. Но, градот е напуштен уште од 1980-тите, кога браната на која тие работеле била автоматизирана, па повеќе не биле потребни луѓе да работат на неа.
Во гратчето има осум куќи, ресторан и клуб со маса за билијард, кујна и гаража.
Сепак, постои една пречка. На почетокот на оваа година владата на Нов Зеланд изгласа закон со кој на граѓаните на други земји не им е дозволено да купуваат имот во земјата.