Резултатите од истражувањето, спроведено врз 300 возрасни лица, меѓу кои имало и испитаници со потежок облик на мигрена, покажале дека таа не го зголемува ризикот од мозочни удари, но предизвикува оштетување на мозокот.
Мозоците на сите испитаници биле двапати скенирани, и тоа првпат во текот на 2000 година, а потоа и во 2009 година. Во текот на овие девет години кај жените кои страдаат од мигрена забележани се повеќе оштетувања на мозокот, отколку кај жените кои не чувствуваат силни главоболки.
Холандски истражувачи тврдат дека жените кои страдаат од мигрена имаат структурни промени во мозокот, но се уште не е познато дали таквите промени предизвикуваат мигрена или настануваат како последица на самата мачнина.
Мигрените често се јавуваат како женска болест, а истражувањата покажале дека жените, освен силните главоболки, чувствуваат и мачнина, болки во очите и вртоглавица.