Издавачката куќа „Феникс“ и Фондацијата „Македонија презент“ денеска ќе организираат манифестација „Ставете ги маските“ на која ќе учествуваат деца од неколку градинки и училишта со нивните маски, а најдобрите ќе бидат наградени со книги.
На манифестацијата, која ќе се одржи во Културниот центар „Феникс“, ќе бидат изложени и најдобрите ликовни дела од Меѓународниот конкурс на тема „Карневал“.
Во оваа пригода новоформиран иницијативен одбор ќе најави организирање Скопски карневал со идеја тој да биде традиционален настан.
„Феникс“ соопшти и дека наскоро ќе ја објави книгата „Карневалите и карневализацијата“ од Христо Петрески.