Филмот „Мајки“ на Милчо Манчевски, кој премиерно беше прикажан пред две години, овој месец се прикажува во Копенхаген во рамки на фестивалот „Југ/Југозапад“ организиран во Кинотеката на Данска од Данскиот филмски институт.
Патувачкиот филмски фестивал „Спринг“, пак, годинава се отвори токму со филмот „Мајки“ во Мелбурн, а следуваат проекции и во Перт, Сиднеј, Њукасл и Оукланд (Нов Зеланд).
„Мајки“ беше прикажан и на филмската академија во Сингапур. Со студентите на постдипломски студии по режија во Сингапур, Манчевски по проекцијата одржа едночасовен разговор остварен преку видеоврска од Скопје.