Се подготвува нова верзија на класичниот хорор филм „Невестата на Франкенштајн“ од 1935 година, во кој главната улога ќе ја има оскаровецот Кристијан Бејл.
Овој американски хорор филм во режија на Џејмс Вејл е инспириран од романот на Мери Шели и всушност е продолжение на филмот Франкенштајн од 1931 година.
Публиката и критиката брилијантно го прифатија и со повеќе од скромен буџет, тогаш заработи два милиони долари, што може да биде еквивалент на денешната сума од триесет милиони. Стана култна класика, па дури и го надмина својот претходник, филмот „Франкенштајн“.
Режисер и сценарист ќе биде актерката Меги Џиленхал, а една од улогите ќе ја игра нејзиниот сопруг Питер Сарсгард. Ова ќе биде втор режисерски проект на Џиленхал по драмата „Dark Daughter“ од 2021 година. Кристијан и Меги веќе соработуваа во филмот „The Dark Knight“.
Претходно, римејкот на „Невестата“ го работеше студиото „Универзал“, а беше планирано режисерската палка да ја преземе Бил Кондон, познат по режијата на сагата „Самрак“, несреќниот монструм и неговата сопруга требаше да ги играат Хавиер Бардем и Анџелина Џоли. Проектот беше планиран за 2019 година, но на крајот беше откажан.