Принцезата од Велс вечерва објави дека и е дијагностициран рак на 42-годишна возраст и дека оди на „превентивна“ хемотерапија. Кејт Мидлтон и се обрати на јавноста во емотивна видео порака во која откри дека дијагнозата „го шокирала целото семејство“ и дека таа и Вилијам „прават се што можат за да ја процесуираат и решат ситуацијата приватно за доброто на семејството“.
Нејзината состојба беше откриена во видео-порака снимена во средата и емитувана во петокот по неколкунеделни шпекулации на социјалните мрежи за нејзината локација и здравје, откако беше хоспитализирана во јануари поради неодредена операција на стомакот.
Кејт побарала „време, простор и приватност“ додека се лекува од неодреден тип на рак.
Како што им реков и ним- добро сум и секој ден станувам се посилна со фокусирање на работи кои ќе ми помогнат да станам подобра; во умот, телото и духот. Да го имам Вилијам покрај мене е исто така одличен извор на удобност и сигурност. Како и љубовта, поддршката и љубезноста што ја покажаа многумина од вас на двајцата ни значи многу“, продолжи Кејт во емотивното видео.
“For everyone facing this disease, in whatever form, please do not lose faith or hope. You are not alone.”
Catherine, Princess of Wales announces she’s undergoing cancer treatment. pic.twitter.com/SVIy5IkcBb
— Channel 4 News (@Channel4News) March 22, 2024
Кејт (42) немаше јавно појавување ниту за Божиќ се додека оваа недела не се појави видео на кое се гледа како таа со нејзиниот сопруг, принцот Вилијам, заминува од продавница на фарма во близина на нивниот дом во Виндзор.
Оваа вест е уште еден шок за кралското семејство по објавувањето минатиот месец дека кралот Чарлс Трети се лекува од неодреден тип на рак кој бил забележан при операција за бенигна зголемена простата.
Чарлс (75) се повлече од јавните должности додека се лекуваше од рак, иако често се појавуваше на фотографии како присуствуваше на состаноци со владини претставници и достоинственици, па дури беше виден и како оди во црква.