Летото е совршено за минување на попладневните часови во дворот на нашиот дом, па во таа смисла, естетиката е неизоставен елемент. Следат неколку идеи – како вашиот двор да биде забележан, допадлив и оригинален…
1. Надградете ги саксиите
Нестабилните саксии не се никаква потпора за украсното дрво или какво било растение, и оставаат лош впечаток. Креативно, архитектонско, фиксирано решение е – вистинската одлука.
2. Засадете мини-дрворед
Професионалните градинари ја знаат моќта на повторувањето во создавање смирувачка, хармонизирана градина. Кај дрвјата, во тој поглед, не е важна само големината, туку пред се, зеленилото што претставува рај за погледот.
3. Додајте оган
Тоа исто така делува смирувачки за нас, па и доколку нема потреба да ја палиме скарата или дворскиот камин, може да запалиме и свеќи.
4. Поставете палми
Прекрасно обликуваните ливчиња кои се нишаат на ветрот, му даваат извесна доза егзотичност на дворот. Тие нема да ја преживеат зимата надвор, но совршено ќе се вклопат во сета оваа летна идила.
5. Обликувајте крошна
Дрво со облик на зајче во дворот, можеби е тешко да се направи, но можете да почнете со поедноставни форми, на пример – штрк.