Уште во ноември минатата година се прошири веста дека познатиот холивудски актер, Бред Пит ќе глуми во турската серија „Веченствениот“. Можеби ова беше само некоја идеја или желба, но деновиве турските медиуми пишуваат дека преговори со Бред Пит за настап во серијата има, а дошле и до сумата што треба да му биде платена.
Седум епизоди, во улога на заповедник кој ќе биде во војската наспроти Сулејман, за само 2 милиони долари, велат продуцентите на серијата, и тоа било само симболична сума што тој ја побарал.
Сепак конечната одлука не е донесена се уште, а доколку пропадне можноста да настапи Бред Пит, тогаш на негово место би можело да се појави повторно холивудско име – Мел Гибсон.
Па со ваква постава, Холивуд наспроти Сулејман, знаејќи дека холивудските актери во нивните филмови секогаш победуваат, можеби и историјата ќе добие поинква завршница.