Хелен Мирен, која во 2007-та го освои Оскарот за улогата на Елизабета II во филмот „The Queen“, повторно ќе го игра ликот на кралицата, но овој пат во театар.
Како што пренесува BBC, претставата „The Audience“, која ќе започне да се игра во февруари во лондонскиот театар Gilgud, ја напишал нејзиниот добар познаник Питер Морган, автор на сценариото за филмот „The Queen“, а ќе ја режира Стивен Далдри.
„The Audience” ги опишува неделните состаноци на Кралицата со 12 премиери, кои се менувале за време на нејзиното владеење, од Черчил до Камерон.