Само 24 часа откако Џеј Зи и Бијонсе објавија дека ќе се вклучат во тимот за поддршка на американскиот претседател Барак Обама, кој пак објави дека поторно влегува во трката за претседател на САД, и актерките Гвинет Палтору и Камерон Дијаз објавија дека го подржуваат црномурестиот Обама.
Палтору беше домаќинка на „Обама Виктори Фонд“ во познатиот лондонски клуб Маркс, каде во придружба на дизајнерот Том Форд и иконата на Воуг, уредничката Ана Винтур, се обидоа преку социјални и добротворни настани да му ја осигураат победата на Обама на претседателските избори кои треба да се одржат во ноември.
Но Гвинет не беше сама. Да ја поддржи во нејзината цел, а секако да и парира и во стил и убавина, беше и нејзината добра пријателка актерката Камерон Дијаз.
Претседателот на САД, секако ја има филмската и музичка елита на својата страна. Во неговиот говор за благодарност до Џеј Зи и Бијонсе, Обама рече: „Ви Благодарам за вашето пријателство. Моите ќерки не можат да имаат подобар модел на кого да се угледаат од бијонсе, која е олицетворение на класа, стил, голем талент и напорна работа.“ А кога сме кај ќерките – додаде обама, тоа е само една од нишките која не врзува со Џеј Зи.
