Американската компанија „Гугл“ одлучи да понуди евтини смартфони во неколку африкански држави, каде поголем дел од населението се уште не може да си дозволи уреди со пристап на интернет.
Уредот ќе го произведува „Инфиникс“ и ќе чини околу 87 долари, а ќе треба да се продава во Нигерија, Египет, Гана, Брегот на Слоновата Коска, Кенија и Мароко.
„Инфиникс“ досега има соработувано со „Гугл“ на телефонот „Хот 2“ и во рамки на програмата Андроид Уан, што претставува обид на компанијата да изврши притисок за намалување на цените на паметните телефони во делови на светот каде тие се сметаат за луксуз.
„Гугл“ наводно соработува и со други производители на изработка на евтини телефони што ќе може да функционираат на најновата верзија на Андроид.