Сопствениците на едно поткровје во бугарскиот главен град Софија биле вљубеници во експресионизмот и решиле овој сликарски правец да им биде основа во храбриот експеримент при декорирањето на нивниот дом.
Експресионистичките визии на сопствениците се видливи во тридимензионалниот шарен геометриски ентериер, каде интересната естетика го дезориентира вкупниот простор и го фокусира вниманието на индивидуалните елементи.
Дизјанерите ја искористиле способноста на геометријата и на боите да предизвикуваат емоции, па со нивна соодветан употреба тие создаваат чувство на топлина, удобност, доверба, уживање и креативност. Белата боја е доминанта, а со употреба на триаголни мотиви вешто се манипулира со сетилата и се создават суптилни разлики во амбиенот и во функциите на различните елементи.
Кујната е светла со употреба на црвена и портокалова боја, кои поттикнуваат креативнист и апетит. Трпезарија пак претставува комбинација на сината и зелената боја, кои придонесуваат за смиреност и опуштање.
Зелената боја ја има и во дневната соба, чија основна функција е опуштање и релаксирање, но таа овде е комбинирана со црвена софа и перници.
Во спалната соба, до која се доаѓа по скали од дневната, се употребени сината, виолетовата и жолтата боја, кои создаваат релаксирачка и свежа атмосфера.
Со својот дизјанерски ентузијазам овој шарен геометриски ентериер нуди смел начин на живот со безгранична креативност и нагласена индивидуалност.