Хуавеи претстави уште еден смартфон од серијата Хонор, моделот 7и со ротациона камера од 13 мегапиксели.
Главна карактеристика на Хонор 7и е ротационата камера од 13 мегапиксели со флеш светло, што може да се користи и за селфи фотографии.
Хуавеи Хонор 7и доаѓа со 5,2 инчен фул ХД екран со резолуција 1080п, 3 гигабајти РАМ, 32 гигабајти внатрешна меморија, Квалком Снапдрагон 616 процесор со осум јадра и батерија од 3.100 мили Ампер часа.
Смартфонот има и скенер за отисок на прсти на левата страна, што може да се користи за отклучување на телефонот.
Хуавеи 7и е достапен во две изведби, со 2ГБ РАМ и 16 ГБ меморија по цена од околу 250 долари и со 3 ГБ РАМ и 32 ГБ меморија по цена од околу 300 долари.