Фејсбук најави дека конечно ја воведува новата опција во коментарите кои сега би требало да делуваат многу поприродно.
Станува збор за директни одговори на коментарите преку опцијата “одговори”.
Овој додаток беше тестиран неколку месеци, а снаоѓањето низ долгите разговори сега би требало да биде поедноставно. Имено, сега можете директно да одговарате на коментарот на некој ваш пријател, а не како што беше досега, кога сите коментираа во една низа.
Исто така, она што е интересно е и дека најактивните коментари ќе се покажуваат на врвот на оригиналниот пост. Ова би требало да биде првенствено корисно за страниците со голем број на луѓе кои ги следат, наведуваат од Фесјбук на својот блог.
Сите Фејсбук страни оваа опција ќе ја добијат до 10 јули, а автоматски ќе се вклучи и за профилите со повеќе од 10,000 следбеници.