Новиот оперативен систем иОС 7 на Епл имаше бавен старт поради големиот број графички промени и измени во визуелниот идентитет.
Сепак, најновите податоци покажуваат дека ситуацијата се менува. Епл потврди дека иОС 7 има прифатеност од 90 проценти.
Овие податоци се изнесени врз основа на Ап Стор Дивелопер страницата за поддршка, што ги прикажува официјални податоци што Епл ги собира.
Податоците се совпаѓаат и со претходните информации, што покажуваа дека стапката на прифатеност за АјФон е на 90 проценти, а за АјПад 85 отсто.
Останатите 9 проценти од стапката на прифатеност отпаѓаат на иОС 6, а останатите еден отсто на старите верзии на иОС.
Епл се очекува до крајот на годинава да го претстави и новиот иОС 8 оперативен систем.