Американската технолошка компанија Епл продолжува со развој на технологијата на автономни возила и планира во 2024 година да произведе патнички автомобил, што би ја користел нејзината технологија за батерии.
Клучен за стратегијата на Епл е новиот дизајн на батериите, со кој според компанијата „радикално“ ќе се намалат трошоците и ќе се зголеми растојанието што можат да го поминат возилата со едно полнење.
Се уште не е познато кој ќе ги составува автомобилите на Епл, но се очекува компанијата да се потпре на партнерите во автомобилската индустрија.