Јужнокорејската компанија Ел-Џи Електроникс ја збогати серијата Тон Ултра блутут слушалки од средна класа со најновиот модел ХБС-810.
Компанијата од претставувањето на Тон блутут серијата во октомври 2010 година низ целиот свет досега има продадено 10 милиони слушалки.
Новиот модел ХБС-810 е креиран да обезбеди целосно ново искуство на звук благодарение на соработката со еден од светските лидери во аудио електрониката, компанијата ЈБЛ.
Квад-Лејр Спикер технологијата овозможува подобрени басови, средни тонови, како и целосен квалитет на звукот благодарение на способноста за оптимално изедначување. Флексибилните „бубачки“ изработени од силиконски гел овозможуваат максимална звучка изолација и јасна репродукција на звук, со минимална надворешна бука.
Новите Тон Ултра содржат напредни функции, претходно достапни единствено на слушлки од врвен квалитет. Иновативната технологија на Ел-Џи нуди можност за целосно вовлекување на кабелот, со што се спречува ниво заплеткување.
Слушалките, исто така, имаат и копче за контрола на звукот и брзо менување.
Ел-Џи Тон Ултра блутут слушалките кон крајот на август ќе бидат достапни на пазарот во САД, а потоа и на останатите пазари низ светот.