Популарната американска актерка Џенифер Анистон беше гостин во ток-шоу на американската комичарка, Елен ДеЏенирес.
Темата на разговор, меѓу другото, беше неноминирањето за Оскар за улогата која Анистон ја играше во филмот „Cake“.
– Целосно ме игнорираа, јас сум најигнорираната актерка, изјави Џенифер во хумористичен тон, но потоа нешто посериозно продолжи:- Целата екипа од сетот беше изненадена со поддршката која филмот ја доби, а уште не почнал ни да игра во кината.
Инаку, „Cake“ досега е прикажан само на ексклузивни фестивали, но доби фантастични критики од филмските критичари и публиката, а на актерката светските медиуми со месеци и предвидуваа номинација и сериозна кандидатура за освојување на Оскар.
Иако Анистон освои голем број други номинации кои ги вклучува и Златен Глобус, САГ, Critics Choice Awards, наградите упорна ја одминуваат.