Ова е познат народен лек за третирање на астмата, како белодробната, така и срцевата. Лекот го подготвувале во разни варијанти нашите баби, а според искуствата на многумина, тие знаеле што прават.
Потребни состојки:
½ кг црвен кромид
½ кг шеќер
2 лимона
1,5 литри вода
7 големи лажици домашен мед
Начин на подготовка:
Шеќерот се загрева во метален сад на умерена температура со константно мешање, сè додека не порумени. Потоа се додава ситно исечканиот кромид, кратко се пропржува и се додаваме водата. Сè заедно се вари на умерена температура, додека не испари 1/3 од водата. Потоа се остава да се олади, се додаваат двата исцедени лимони и медот и сè добро се меша за комплетно да се изедначи. Се остава да отстои, а потоа течноста се процедува (од парчињата кромид) и се складира во стаклено шише.
Начин на употреба:
Се конзумира по една голема лажица од напитокот пред секој оброк додека не се потроши целата количина. По потреба може да направите нова мешавина и да ја повторувате постапката додека белите дробови сосема не закрепнат.
За деца се препорачува по една мала лажичка пред секој оброк.