Повикот за учество на годинашната манифестација „Бела ноќ“ е отворен до 1 јули 2015, потсетува Младинскиот културен центар.
– Ги охрабруваме сите уметници да ја пополнат апликацијата и да бидат дел од омилената урбана културна манифестација, соопшти МКЦ.
На „Бела ноќ“ ќе бидат опфатени визуелни уметности (ликовна уметност, фотографија, инсталација, видео-арт, стрип, кибернетичка уметност), применети уметности (архитектура, визуелен/индустриски/веб дизајн, мода, дигитални креации), музика, филм и јавна уметност и урбаниперфорамнси.
Уметниците кои ќе учествуваат ќе бидат избрани од организаторите, а главни критериуми се квалитет и иновативноста на предложените дела.
Дозволени се сите уметнички форми и медиуми реализирани со кои било инструменти или техники.
Апликациите со дополнителните документи треба да бидат пратени на адресата: Младински културен центар, со назнака (ЗА БЕЛА НОЌ 2015), Кеј „Димитар Влахов“ 15. 1000 Скопје, или на електронската адреса: [email protected].