Џејмс Бонд се врати, подобар од кога и да е

Од:

Џејмс Бонд се врати, и тоа подобар од кога и да е, покажаа во петокот првите критики по лондонската премиера на најновиот филм за тајниот британски агент 007.

Робин Колин од британскиот весник The Telegraph вели дека Џејмс Бонд на режисерот Сем Мендес може да се спореди со помрачниот Бетмен од серијата „The Dark Knight“.

Критичарот Џефри Мекнаб од Independent му доделува на „Skyfall“ четири од вкупно пет ѕвездички, критикувајќи го само „повремените повторувања” во филмот. Го фали режисерот Мендес за „многу поголемата длабочина на ликовите од онаа на којашто сме се навикнале во серијата филмови за Бонд кои често се површни”.

Инаку оскаровецот Сем Мендес првпат се јавува како режисер на филм од франшизата за Џејмс Бонд.

Филмот ќе почне да се прикажува во кината во Велика Британија на 26-ти октомври, а во САД неговото прикажување ќе започне на 9-ти ноември.

Во последниот 23-ти филм за Џејмс Бонд, славниот таен агент 007 со лиценца за убивање повторно го толкува Даниел Крејг а неговата верност на шефицата М, која ја толкува Џуди Денч е ставена на искушение откако ќе почне да ја прогонува нејзиното минато.

По нападот на тајната служба за која работи инаку познатата британска МИ6, Џејмс Бонд мора да ја пронајде и да ја уништи заканата, опасен злосторник кого го толкува Хавиер Бардем.

Би можело да ве интересира

Промоција на книгата „Милчо Манчевски“ и проекција на „Прашина“ во Кинотека

Предраг Петровиќ

„Бруталист“-апсолутен добитник на Златен глобус

Предраг Петровиќ

Курт Расел за The Hateful Eight: Морав да станам сосема нова личност

Предраг Петровиќ

Снимањето на серијата за Хари Потер започнува следната година: „Нова актерска екипа“

Предраг Петровиќ

Проекција на филмот „Божиќното танго“ во режија на Никос Кутелидакис

„Лиминални простори-лиминални тела“ – проекција на краток филм и изведба на танцов перформанс во Охрид