Во пресрет на новогодишните празници, во центарот на Скопје денеска ќе биде одржана прватаДедомразовската трка.
Дедомразовската трка ќе стартува во 12 часот од плоштадот „Филип Втори“, а ќе се одвива по трасата што минува покрај Македонскиот народен театар, мостот „Гоце Делчев“, булеварите „ВМРО“ и „Димитрие Чуповски“, улица „Македонија“, плоштад „Македонија“, Порта „Македонија“, до целта кај паркот Жена Борец, спроти Собранието на Република Македонија.
Градоначалникот на Скопје, Коце Трајановски ќе ги пречека учесниците во трката на целта, каде што ќе бидат доделени и наградите за најдобрите.