Малиот чип под името Му Таг ќе овозможи на корисниците секогаш да знаат каде се наоѓаат нивните предмети.
Чипот Му Таг може да се залепи на речиси секаква површина, а неговата задача е да спречи да заборавате предмети, од автомобилот до најмали предмети. Неговата цена изнесува 25 долари, а батеријата трае до три месеци.
Предметите на кои се наоѓа чипот може да се следат преку смартфон, а тоа значи дека повеќе нема да имате стрес поради изгубен багаж на аеродромите, заборавени места на кои сте го паркирале автомобилот и слично.
Му Таг памти каде сте ги оставиле вашите вредни предмети и ве потсетува со нотификација на смартфонот ако нешто заборавите, така што ви праќа предупредување ако премногу се оддалечите.