Блекбери претстави нов смартфон под името Лип, што би требало да го замени З3 моделот претставен минатата година.
Компанијата од Онтарио смартфонот го претстави на Светскиот мобилен конгрес во Барселона, а во продажба се очекува во април годинава по цена од 275 евра.
Блекбери најави дека планира да претстави уште два модели со тастатура во текот на следните месеци. Компанијата од минатата година целосно се фокусира на софтверот и безбедноста на податоците со цел да го врати својот удел на пазарот.