Антонио Бандерас ќе игра во неговиот нов филм во улога на Чилеанецот Марио Сепулведа, кој стана познат како „супер Марио“ откако тој и неговите 32 колеги останаа заробени во рудникот во текот на 69 дена во 2010 година.
Покрај Бандерас, во филмот ќе се најдат и Родриго Санторо, Мартин Шин, но и некои од рударите кои навистина и учествуваа во несреќата.
Филмот ќе го режира Патрисија Риген, снимањето почнува на есен оваа година, а премиерата може да се очекува во текот на 2014 година.