Американскиот комичар и водител Џими Кимел, направи интересен експеримент на улица во кој на минувачите им нуди „Ајфон 4 С“, велејќи им дека тоа е новиот „Ајфон 5“.
Учесниците во „истражувањето“ не ја забележаа разликата и помислија дека тоа е навистина нивниот најпосакуван нов телефон.
На прашањето на Џими, дали некој би сакал да го проба „новиот“ Ајфон и да го спореди со претходниот модел, еден од случајните минувачи ентузијастички се согласи:
„Многу е подобар и поубав. Дефинитивно е подобар од мојот. Имам „Ајфон 4 С“, но секогаш сум отворен за нов телефон“, коментираше минувачот, не забележувајќи дека во рацете држи стар телефон, исти како неговиот.
Ниту еден од учесниците во анкетата не забележа дека во рацете не го држи новиот модел на „ЕПЛ“, туку стариот, достапен речиси две години.